Í blaðnum hesa ferð:

Skúlablaðið hesa ferð er serblað í sambandi við, at føroyska læraraútbúgvingin hevur 150 ár á baki í heyst. Samrøða eru við landsstýrismannin við skúlamálum, rektaran á Fróðskaparsetrinum, dekanin á Námsvísindadeildini og tvey læraralesandi á Námsvísindadeildini um læraraútbúgvingina, soleiðis sum hon er í dag, í hvønn mun hon eigur at verða broytt ella tillagað, í hvønn mun hon ger lesandi skikkað at møta teimum uppgávum og avbjóðingum, ið lærarayrkið setir og annað. Samrøða er eisini við seinasta rektaran á Føroya Læraraskúla, ið røður um, hvussu arbeiðið at leggja útbúgvingina undir Setrið var, og við fyrrverandi lærara á Læraraskúlanum. Formaður Føroya Lærarafelags, ein skúlastjóri og ein nýklaktur lærari siga eisini sína hugsan um, hvørt vit eru á rættari kós ella eiga at velja aðra kós, tá ið talan er um læraraútbúgvingina í framtíðini.