Í blaðnum hesa ferð:

Í blaðnum hesa ferð er samrøða við Emmy S. Joensen, námsráðgeva, um, hvussu vit kunnu fáa børn at varðveita hugin at lesa. Asta Wolles, ráðgevi í Námi, umrøður í grein, hvat lesføri og lesivanar hava at siga fyri avrikini í lesing, støddfrøði og náttúruvísindum, og Asta Wolles, Emmy Joensen, Dorthe Pedersen og Sólvá Jónsdóttir, ið allar eru ráðgevar í Námi, viðgera støðisnámsætlanina fyri allar lærugreinar. Samrøða er við SSP-ráðgevar um trivnað og felagsskap sum fyribyrgjandi amboð, og við Martin T. Zachariassen, rektara á Fróðskaparsetrinum, um siðbundnar kynsleiklutir og vantandi javnstøðu millum kynini á útbúgvingum. Samrøða er við Jan Christiansen, skúlastjóra í Skúlanum á Trøðni, um tørvin á serskúla í Føroyum, og hvat Skúlin á Trøðni leggur seg eftir, og við Jenny Lydersen, undirvísingarleiðara í Barna- og útbúgvingarmálaráðnum, um frágreiðingina við uppskotum til broytingar í fólkaskúlalógini. Harumframt eru aðrar greinir.