30.03.2024
Trý valevni til tveir nevndarsessir
Á aðalfundinum hjá Føroya Lærarafelag 20. apríl bjóða trý fólk seg fram at koma í nevndina.Tórhallur vil Gil, næstformaður og lærari í Skúlanum við Løkin, og Eyðbjartur Sólheyg Skaalum, nevndarlimur og lærari í skúlanum á Argjahamri, standa fyri vali, og báðir stilla upp aftur. Triðja valevnið er Miriam Nolsøe Johannesen, lærari í Eysturskúlanum.
Á aðalfundinum skulu tveir nevndarlimir og tveir tiltakslimir veljast í nevndina.
Aðalfundurin hjá Føroya Lærarafelag og árligi limafundurin hjá Stuðulsgrunni Lima Føroya Lærarafelags verður leygardagin 20. apríl klokkan 10.00 á Hotel Føroyum. Fundarskráin verður sambært viðtøkum felagsins.
Vinnararnir av Veðurlagsvirðislønini fyri 2024 verða kosnir á aðalfundinum.
