Tíðindi

Tríggir námsfrøðiligir ráðgevar farnir til arbeiðis

Í Námi er skipað nýggj námsfrøðilig ráðgeving. Tríggir námsfrøðiligir ráðgevar eru settir í parttíðarstarv at veita lærarum ráðgeving og sparring í føroyskum og lesimenning, støddfrøði og náttúru og tøkni, og í handaverki og list. Ráðgevingin, sum skal skipast í tøttum tilknýti til einstøku skúlarnar, er liður í menningartilgongdini í Mentamálaráðnum og Námi.

20.02.2019

Toymið, sum er Asta Wolles, Katrin Gullbein og Tóra Joensen, ynskir at koma út í hvønn skúla, so námsfrøðiliga ráðgevingin tekur støði í dagligu undirvísingini.

- Ráðgevarnir kunnu taka lut á flokstoymisfundum og faktoymisfundum. Á smæstu skúlunum, sum ikki hava toymi, kunnu ráðgevarnir verða við á ráðleggingarfundum, sigur Eyðun Gaard, stjóri í Námi.

Emmy S. Joensen, ið er nýsettur ráðgevi í almennari námsfrøði, leggur áherðslu á, at hetta er partur av námsfrøðiligu menningini í Námi.

- Saman við skúlunum, Mentamálaráðnum og Undirvísingarstýrinum fer skipanin at lyfta alt skúlaverkið uppaftur longri upp, sigur Emmy S. Joensen.

- Uppgávan hjá mær verður at fylgja við í tí, sum hendir í lærugreinini, fylgja við í gransking á økinum og hava tætt samband við skúlar og vónandi vera ein hjálp og stuðul í fakligu og námsfrøðiligu avbjóðingunum, lærarar standa í, sigur Asta, sum 1. oktober tók við ráðgevastarvi í Námi.

- Aftur at tí handaliga havi eg altíð havt stóran áhuga fyri náttúrulærugreinunum, serliga støddfrøði, sigur Katrin, sum 1. oktober tók við ráðgevastarvi í Námi.

- Hóast eg havi nomið við flestu lærugreinarnar í fólkaskúlanum, so hava tær skapandi lærugreinarnar eisini fylt nógv á tímatalvuni, og tað er ikki av tilvild. Júst hesar lærugreinarnar dámdi mær best, tá ið eg sjálv gekk í skúla, og tað vísir seg, at áhugin fyri hesum lærugreinum er enn. Soleiðis sigur Tóra, sum 1. oktober tók við ráðgevastarvi í Námi.

Les alla greinina í Skúlablað nr 6, 2018

Mynd: Birgir Kruse


Samband

Skúlablaðið

Pedda við Stein gøtu 9

100 Tórshavn

Tel. 23 57 73

Teldupostur: turid@bfl.fo ella skulabladid@lararafelag.fo


2015 © Bókadeildin. All rights reserved.