Tíðindi

Týskt sum upptøkukrav strikað

Kravið verður galdandi við upptøku frá 2023.

6. mars 2020

Jenis av Rana, landsstýrismaður í uttanríkis- og mentamálum, hevur nú lýst eina kunngerð, sum hevur við sær, at tað einans verður á hugbreyt, at týskt verður upptøkukrav á miðnámi. Kravið verður galdandi við upptøku frá 2023. Hetta merkir samstundis, at týskt ikki verður upptøkukrav á búskapar- og fyrireikingarbreytini.

Á sumri 2019 varð kunngerð lýst, sum ásetti, at týskt skuldi verða upptøkukrav á fleiri gymnasialum breytum. Eftir at málið er viðgjørt av nýggjum, og ymsu partarnir eru hoyrdir, hevur landsstýrismaðurin gjørt av, at týskt verður upptøkukrav á hugbreyt, men ikki á búskapar- og fyrireikingarbreyt á miðnámi.

Jenis av Rana, landsstýrismaður, hevur samstundis ætlanir um at fara undir eina heildarviðgerð av, hvørja støðu fremmandamál skulu hava í okkara skúlaverki sum heild.


Samband

Skúlablaðið

Pedda við Stein gøtu 9

100 Tórshavn

Tel. 23 57 73

Teldupostur: turid@bfl.fo ella skulabladid@lararafelag.fo


2015 © Bókadeildin. All rights reserved.