Leys størv

Lærarastørv í Skúlanum á Giljanesi skúlaárið 2018-2019

Hesi lærarastørv eru leys at seta í Skúlanum á Giljanesi frá  1. august 2018 at rokna:

Fýra føst fulltíðarstørv sum lærari.
Eitt tíðaravmarkað fulltíðarstarv sum lærari.
Eitt tíðaravmarkað starv vegna avlopstímar skúlaárið 2018/19. Endaliga tímatalið verður ásett 1.september 2018.

Søkt verður eftir lærarum, sum:

Undir ábyrgd leiðslunnar og í samstarvi við lærarar skúlans, skulu undirvísa og taka lut í dagliga arbeiði skúlans.
Duga at samstarva og eru fyrikomandi.
Eru fúsir at taka á seg tær uppgávur og avbjóðingar, ið eru á skúlanum.
Eru við til áhaldandi at menna skúlan.
Eru stundisligir og nærlagdir. Lyklaorðini hjá okkum eru stundvísi, háttvísi og øðrvísi.
Tola broytingar.
Hava læraraútbúgving.

Okkum tørvar lærarar, ið kunnu:

Undirvísa í dreingjaítrótti, dreingja svimjing, tónleiki, alis- og evnafrøði, náttúru og tøkni, føroyskum, støddfrøði, enskum, lívfrøði, landalæru og smíð í framhaldsdeild og miðdeild.
Átaka sær flokslæraraleiklut.

Lønar- og setanartreytir:

Størvini eru lønt í lønarflokkunum 18.1 – 29.2 sambært avtalu millum Fíggjarmálaráðið og Føroya Lærarafelag.

Umsóknir:

Umsóknir, við avriti av prógvum, CV og møguligum viðmælum, skulu sendast sum PDF-fíla til sag@skulin.fo  í seinasta lagi hósdagin 31.maj kl. 12.00.

Umsóknir kunnu eisini sendast við posti til:

Skúlin á Giljanesi

á Giljanesi 2

360 Sandavágur

Nærri fæst at vita um størvini hjá Annbritt Toftegaard á tlf. 794425, ella við at senda ein teldupost til annbritt.toftegaard@skulin.fo

Um skúlan:

Skúlin á Giljanesi húsast á tveimum støðum. 3.-10.flokkur ganga Inni á Giljanesi og 1. og 2.flokkur ganga í  Bygdaskúlanum í Miðvági. Uml. 329 næmingar ganga í skúlanum, og 37 lærarar, námsfrøðingar og stuðlar starvast í skúlanum.

Skúlin á Giljanesi byggir á tríggjar súlur:   Stundvísi, háttvísi og øðrvísi.

Stundvísi merkir, at gera  tingini til tíðina. Viðra tann partin ið krevur av okkum, at tíðin –hvørt talan er um minuttir ella ár- er ein avmarkandi faktorur og karmur í okkara arbeiði.

Háttvísi er eitt nýtt orð á føroyskum. Tað hevur enn ikki hevur funnið vegin inn í orðabókina. Háttvísi merkir, at vit duga at gera tingini á rættan skynsaman hátt. Men tað merkir eisini, at vit læra okkkum nýggjar hættir at loysa uppgávur, tá kendir hættir ikki roynast nóg drúgvir.

Øðrvísi merkir dirvi til at hugsa sjálvstøðugt. Dirvi at gera tað, vit meta vera rætt. Dirvi at seta spurnartekin við vanar. Dirvi at fara út um rammuna. Við hvørt finnur mann so útav, at vanin veit best, men tora vit ikki at leita og fregnast í tí ókenda vaksa vit ikki.

 


Samband

Skúlablaðið

Pedda við Stein gøtu 9

100 Tórshavn

Tel. 23 57 73

Teldupostur: turid@bfl.fo ella skulabladid@lararafelag.fo


2015 © Bókadeildin. All rights reserved.